для тых, каму словы American Horror Story не пусты гук: выбралі дзяўчынку на галоўную ролю ў другім сэзоне. францужанка Lizzie Brocheré. прыгожая.

чарговы раз coca-cola мяне разводзіць. зьбіраю новыя чорныя футбольныя коркі. каб атрымаць шклянкі. сябры, калі вам не патрэбныя, з радасьцю ўвазьму ў падарунак ці на абмен

для тых, хто таксама плянуе і марыць трапіць на канцэрт Björk улетку, вось інфармацыя пра тыя фэсты, якія засталіся не адмененымі праз хваробу Björk. і якія ў межах дасяжнасьці.

04th july, heineken open'er festival, poland
Thursday Ticket: €38.00(165.00 PLN)

August 3-5, 2012, Stockholm Music & Arts
Sunday Ticket: €65.00 (595 SEK)

09th august, oya festival, norway
Thursday Ticket: €100.00(765.00 NOK)

Flow Festival 2012 @ Suvilahti, Helsinki, Finland Wed 8th - Sun 12th August 2012
Sunday Ticket: €70.00

такім чынам пляную трапіць у гданьск альбо стакгольм. у ім дарэчы цудоўны сьпіс выступоўцаў апроч Björk

адна з наймацнейшых мараў была: трапіць на канцэрт Björk. і надыйшоў урэшце той час, калі б спраўдзілася, яна прыяджае ў суседнюю сталіцу ў межах фэсту Пікнік-Афішы. за паўгады да пачатку набытыя квіткі чакаюць моманту іх разрываньня, каб трапіць на фэст. падрыхтаваныя пляны культурных набегаў у бары і пабы. і... Björk захварэла. да жніўня ёй забаранілі сьпяваць, каб ня страціць голас. бедная-бедная Björk. адначасова з гэтым канцэртам яна выбачылася за нявыступ на гданьскім Heineken openair. значыцца зьявіўся новы выклік: осла ці хельсінкі ўсярэдзіне жніўня, канцэрты, якія не трапілі ў сьпіс зьнятых.

калі людзі вырашылі катацца на конях, яны зрабілі слушны выбар. сёньня мы езьдзілі на Канадзе і Фліке. з аднаго боку квітнелі яблыні, а з іншага дзьмухаўцы. і мы бегалі рысьсю. Канада падкідвала мяне і я лавіў рытм. мая інструктарка казала разумныя словы, пакуль амаль не вядомыя мне пра корды і шэнкелі і шмат-што-яшчэ. я так люблю езьдзіць на конях. а яшчэ сустрэлі дзьвух поні, якія міла абдымаліся.

ужо ў прадчуваньні заўтрашніх катаньняў на кані. Канада мяне чакае. ніколі і ня думаў, што так зацягне гэты занятак. жадаецца-жадаецца

пасьля тыдня, як скралі мой ровар, выбіраю новы. шкада вядома. цэлыя тры гады езьдзіў амаль штодзень на былым Gary Fisher. і зараз нехта працягвае. шкада шкада. аля як сказаў сёньня Сарказі пасьля паразы: гэта выбар францыі, і яго трэба паважаць.

сябры! скралі мой ровар сёньня з пад'езду. калі хто ўбачыць у горадзе, спыняйце і можна моцна біць. міліцыю я ўжо выклікаў. памаранчавых ровараў вельмі мала ў менску. называецца Gary Fisher, на правым баку ёсьць налепка ў выглядзе сіняй рыбкі

Christus Resurrexit!

на суседняй з маёй, тваёй вуліцы,
абяцалі суседні прысуд,
сябры з майго ерусаліму
крычалі як загадзя
павяло. сябе элітнае грамадзтва.
агульным сьпевам:
укрыжуй яго.
на суседняй вуліцы ад мяне,
каб вядома, але каб ня пахла.
маіх мараў сто грамаў,
і не запіваць.
мая вуліца ў скрыжаваньнях.
перад заўтрашнім сном
адзін гіпер юдэй
паспрабуе паўстаць пасьля сьмерці.
на суседняй з маёй, забіваюць людзей.
укрыжуй яго стрэлам уночы.

у яе на раніцу мэлянхолія,
сухія далоні
і гарбата зь мінулага лета.
у бялізьне яна будзе
зоркай балету, калі хтосьці
будзе глядзець.
але раніцай мала бывае фанатаў,
але раніцай мала
хто бывае.
але ў яе сухія далоні,
пэўна сны былі мяккімі. сёньня
паглядзець у альбомах сямейныя здымкі
ці ня вельмі сямейныя, і не глядзець.
у яе на стале забыліся напой,
той аматар балетных фантазій,
ён вядома чакае на зручнае штось,
каб дапіць.
ну а ёй трэба добра паспаць,
бо на раніцу
мэлянхолія

зьбіраю каманду, ці лепш вядома дзьве каб гуляць у кёрлінг

яшчэ адна песьня Насты Някрасавай і гурта Folkroll зь іх апошняга канцэрту

а што ў мяне ёсьць!!! новая кніга ўлюбёнага Умбэрта Эка "пражскія могілкі"

крыху жывой Насты Някрасавай зь яе ўчорашняга канцэрту. мне падабаецца-падабаецца

у расхрыстаным паліто
дзьве арміі ляжалі непрыстойна
ў супрацьлеглых па баках кішэнях.
наступ маленьняў да палеглых у баях,
да тых, хто выпаў праз адтуліны ў тканіне.
раней, на памяць ведаў, пра абдымкі ў мітусьне,
як ты праслізгвала за некалькі хвілінаў.
у расхрыстаным мною паліто,
твае кішэні былі поўныя каштанаў.
раней на памяць ведаў кожнага імёны.
раней ня супраць нашы арміі былі. раней.

сёньня я першы і другі раз у жыцьці стану хросным бацькам. крутая падзея здаецца. а 16 гадзіне, касьцёл сьв. Роха.

усе ўзнагароды сьвету я даў бы Марыі Фальканэці за ролю Жанны Д'Арк у гэтым фільме. яна геніяльная ў гэтым сваім нямым, чорна-белым фільме 28 года. пасьля яго яна ніколі больш ня здолела здымацца праз нэрвовы зрыў. у гэтую ноч у мяне зьявіўся адзін з самых улюбёных фільмаў, і самая ўлюбёная акторка. La passion de Jeanne d'Arc. абавязкова паглядзіце.

у майго ўлюбёнага пісьменьніка сёньня 80 гадоў. Умбэрта Эка

вынікі майго году. падсумаваньне найлепшага

падарожжы
1. Ватыкан. Беатыфікацыя Яна Паўла ІІ
2. Брэмен. новы ўлюбёны горад
3. Гервяты. казачнае месца на нашай поўначы

падзеі
1. зьяўленьне кацянятка Тыгры
2. цёпла-сямейнае сьвяткаваньне Раства
3. як я быў зэкам пасьля адной серады
4. інсцэніраваны крыжовы шлях у касьцёле сьв. Роха
5. Будслаўскі фэст

музыка
1. Bjork - Biophilia
2. Tom Waits - Bad As Me
3. Radiohead - The King of Limbs

кіно
1. Melancholia
2. Sleeping Beauty
3. American Horror Story (серыяльчык)

узгадаў, сёньня ў сьне прыйшла думка: глядзіць Езус на сьвечкі ў касьцёлах, і ўяўляе сьвяточны торт

з народзінамі Езуса! шчасьця вам, мае мілыя сябры

пра Femen. на днях у Брэмене бачылі пяць-шэсьць сталых кабетаў, якія трымалі расьцяжкі і зьбіралі эўрацэнты ў дапамогу правоў аўганскіх жанчынаў. няшмат назьбіралі і няшмат абаранілі думаю. але зьбіралі і баранілі

які грандыёзны фільм толькі што паглядзеў. Эўропа. ларса фон трыера. 1991 год. пра ўлюбёную нямеччыну. мае рэкамендацыі найвышэйшага ўзроўню

Бясконцая колькасьць глінтвейну. Ведаеце, рэкляма coca-cola перад Раством, гэтая казачная атмасфэра гірляндаў, радасных навокал усіх, кубкаў у рукавічках, гэтая рэкляма пра Брэмен. Наш горад па вяртаньні выглядае так, што лепш бы не выглядаў ніяк.

Ведаеце, гэта надзвычай старажытны горад з натуральнаю архітэктураю з ХІ стагодзьдзя. Што тычыцца будынкаў і вуліцаў, лепш вядома глядзець на здымкі. Нідзе няма ніводнага білборда з рэклямаю, толькі невялікія стэнды на тратуарах, гэта вельм і радуе. Па вуліцах езьдзіць Beer bike, гэта вагончык, які рухаецца па прынцыпе ровару на чалавек 12, адначасова з рухам, яны п’юць.
У Брэмене ёсьць квартал Schnoor. Самая сапраўдная казачная структура вуліцаў з неверагоднымі крамамі. Менавіта ў гэтым квартале выбраў для сябе касьцёл на нядзельную імшу. Перад ёю была вельмі цікавая падзея. Адбываўся хрост дарослых чалавек 20. Калі называлі іх імёны, сярод іх былі карэйскія і турэцкія і польскія прозьвішчы. А потым пачаў граць арган. Шаноўныя, я чуў у жыцьці шмат, але ніколі ў беларускіх касьцёлах не было такіх гукаў. Ад першых нотаў немагчыма не стаяць з адкрытым ротам. Такая моц, такі імпэт, такое грандыёзнае выкананьне і цудоўная акустыка. Першы раз бачыў падчас камуніі, што людзі падыходзілі да біскупа, і ён клаў ім цела Хрыста ў рукі, і толькі потым яны самі клалі ў рот.
І пра карэйцаў, каб не адыходзіць далёка. Як яны гатуюць! І турэцкія кебабы. Лепшая ежа на зямлі.
На галоўнай плошчы ёсьць помнік Раланду і перадкалядны кірмаш з каруселькамі і смажанымі сасіскамі.
У Брэмене вельмі класны раён пра багему і рок-н-рол. Чвэрць. У бары Lagerhaus мы з Радасьцю глядзелі футбольную гульню з удзелам брэменскай каманды Вердэр. Брэменскія бары, як раён Кройцберг у Бэрліне, такія ўтульныя, такія, якімі і мусяць быць бары. І пра дзяўчынак. Ведаеце, сярод нямецкіх паненак я не мог бы знайсьці такую, каб назваць яе дзеўкай. Дзяўчынкі такія сьвежыя, такія прыгожыя. Прыемна глядзець.
Немцы такія крутыя. Разам зь іх адчувальным супер сорамам за фашызм, яны сьцябуцца, называючы ўласны напой Fritz-Kola. Яны малайцы. Яны безумоўна класна арганізавалі жыцьцё. Яны прыдумалі мой новы ўлюбёны горад. Брэмен.